Willemstad; 29 Nov 2018 , a tuma luga den sala di Easter Dunasty Restaurant, Entrega di Premio Farandula 7.1 – 2018.

Un inisiativa di e artista 7.1 ( Giovanni Abath) ku a institui un premio pa e persona ku tin un programa of un pagina di Farandula ku ta hasi mas pa halsa i of yuda E artista desaroya of di kualke forma ta aporta na halsa nivel di Farandula di Kòrsou. Manera tabata konosi e premio mester a wordu entrega dia 22 nov, den e programa di AMAK pero pa motibuna organisatorio di e asosashon na ultimo ora no por a ser entrega.

E programa tabata unu kortiku kaminda segun e kriterianan di e komishon pa su Kobertura di farandula na radio,televishon i korant pero tambe su sosten i empuhe na artistanan nobo den tur area di ekspreshon artistiko, Sr. sherwin (Kora) Faneite a risibi e premio Farandula 7.1- aña 2018.

E meta ta pa kada aña den e mesun temporada tin e premio Farandula 7.1

Di e forma aki  Artista 7.1 ta duna su Granito pa Huntu nos hasi e mundu Farandulero unu grandi i Dinamiko.