HBO huntu ku TDS lo ofresé un fin di siman di pelíkula GRATIS

Di 30 di novèmber pa 2 di desèmber 2018

TDS semper ta buska un manera pa malkriá su miembronan mas i ofresé nan mas ku ta posibel. E biaha aki den estrecho koperashon ku e gigante di televishon HBO, a logra di duna tur kliente ku ainda no tin e pakete di pelíkula di HBO e oportunidat di gosa di e 12 kanalnan di pelíkula 1 wikènt kompletamente grátis.

Korekto grátis pa tur kliente ku no tin e pakete di HBO.

Kuminsando djabièrnè 30 di Novèmber 9or di mainta te ku djadumingu 2 di Desèmber 2018 pa 12or di anochi, kanalnan 509 te ku 520 lo ta aksesibel pa TUR kliente di TDS. Pues e fin di siman aki bo por disfrutá di mas ku 60 ora di pelíkula, serie, dokumental di HBO. Pa pone un toke spesial na e gesto aki, dia 1 di desèmber 2018 riba kanal 509, HBO lo estrená su serie “the Black Panter” ku tur hende tabata pendiente di dje tambe.

Gosa e fin di siman aki di pelíkulanan manera COCO, Fifty Shader Darker, The Hypnotist, I’ll be home for Christmas, The untold story, Despicable me 3, Shame, Annabelle, Urban Legends, Spy Kids, It Comes at night i hopi pelíkula mas pa grandi i chiki i no lubida e gran estreno di Black Panther djasabra 1 di desèmber 2018 pa 21:00 (9:00PM) riba kanal 509.

Si despues di djadumingu bo kier sigui gosa di e 12 kanalnan aki pa solamente ANG23.65 pa luna, simplemente yama 9242 òf subi www.tds.live i hasi bo petishon òf aktiv’é bo mes pasombra esaki tambe ta posibel.

Un biaha mas TDS ta malkriá su klientenan. Gosa di bo fin di siman di pelíkula riba TDS kortesia di HBO.