Experiencia e sabor i esencia Arabe den e proximo pop-up

ORANJESTAD – NOV – Renaissance Aruba ta invitabo pa e ultimo ‘pop-up’ di 2018.  E weekend aki lo haci un biahe culinario pa ciudadnan Arabe y presenta ‘Saeada’ na ex-Sidebar, Renaissance Marketplace.  Diabierna dia 30 di november y diasabra dia 1 di december bo ta invita pa un experencia unico cu lo keda completa pa belly dancers, complimentary Henna Tattoo, un Hookah Corner, musica y un variacion di delicianan Arabe! 

Disfruta di e.o un Falafel Sandwich, of un Shawarma di carni of galiña, tambe tin e Shish Tawook, cu ta e grilled skewer y e popular Shisk Kebab cu ta e beef skewer.  Por pidi tambe for di e menu principal un dushi Lamb Chop, Fish Harra of e Chicken Kabsa. E menu ta reparti den, platonan friu manera e Hummus, Tabouleh (salada) y tambe platonan cayente manera e dushi Batata Harra (spicy fried potatoes) of e Beef Sambousek y finalmente e platonan principal ya menciona. Claro, tin dessert y ta recomenda e Baklava (filo, nuts sweet.)!

‘Saeada’ lo ta habri diabierna y diasabra for di 12’or di merdia pa lunch te cu 10or di anochi. E chefnan di Renaissance lo presenta un combinacion di diferente delicia Arabe.  ‘Saeada’ lo ta situa na ex-Sidebar na Renaissance Marketplace. Reserva awe mes na 523.6115