WILLEMSTAD – Despues di e promé gimmik ku a tuma lugá algun siman pasa na Licores Maduro, kual tabata un éksito grandi, djasabra awor, AMAK ta organisá su di dos gimmik. Esaki lo tuma lugá den Sambil.

Direktiva di AMAK , Licores Maduro i Sambil ta invitá tur amante di Festival di Tumba pa djasabra awor 1 di desèmber, entre 12 or di mèrdia i 3 or di atardi den Sambil, pa pasa buska bo karchi entrada general na preis spesial di 65 florin i di Red Carpet pa 300 florin.

Kòrda ku e di dos gimmik tambe  500 karchi so ta disponibel i esnan ku yega promé ta bebe awa limpi.

No warda te na último ora pasombra ,manera ta e tradishon, e karchinan lo kaba hopi rápido.

Festival di Tumba 2019 ta bira grandi mes! Nos ta topa djasabra awor na Sambil.