WILLEMSTAD/ For di nan inisio nan a demostrá ku nan ‘vibe’ ta otro i nan a keda fiel na e fórmula aki tambe. Den su afan pa produsí un ‘boy group’ pa Kòrsou, Decoded a krea DXBT i awe nan ta klá pa lansa nan promé EP (Extended Play) titulá ‘Sraella’. E kompakto digital ta kontené 6 piesa riba dje; Amen, Kit Kat, Dans Met Mij, Pray, Future i Mamasita. Fanátikonan di DXBT por stream e EP kompletu òf kada piesa individualmente riba iTunes, Spotify, Google Play, i Apple Music.  Tantu, Denzel, Xuz i Bjorne ta masha kontentu ku nan promé EP i prinsipalmente di risibí aporte di otro artistanan di kas manera Rich Kalashh, Jaido i Timo.

Tokante ‘Sraella’

Kurioso pa sá e nifikashon di ‘Sraella’? E ta simpel! ‘All Ears’ di bòltu. Esaki ta nifiká ku e EP di DXBT ta pa tur edat, ku letranan ku no ta eksplísito i ku fásilmente e tiner por identifiká su mes kuné.  Decoded ta enfoká riba kalidat musikal i branding pa kada un di su artistanan, den esaki semper ku bista riba tur trènt i plataforma internashonal. Hóbennan por sigui Denzel, Bjorne i Xuz- DXBT- riba Snap Chat, Facebook/Instagram: DXBT / DecodedOfficial. Tambe por stream riba iTunes/ Spotify/ Google Play/ Apple Music. Sigui artistanan di Decoded i suskribí na YouTube Channel:  Decoded.