Un di e kantantenan urban mas solisitá den fin di aña

WILLEMSTAD/ Siguidónan di Jaido ya a tuma nota ku e kantante tin 2 single ku a keda lansá i ámbos kompañá pa nan videoclip. E promé track ta un kolaborashon ku Quincy titulá ‘Love Me’, un ‘trap’ romántiko i ku sigur lo kai na agrado di tur ku ta enkantá e tipo di ‘love songsnan’ den género urban. E videoclip ta konta ku 28 mil views den 5 dia. Di akuerdo ku representante di Decoded, saka 2 piesa simultáneamente ta usual riba e plataforma urban. Tin artistanan ta saka 3 track den un siman i ta mantené nan grado di relevansia intakto. Kada piesa zonando simultáneamente. E otro track ta un ‘club banger’ spesialmente pa e goso di fin di aña, konsiderando ku Jaido ta un di e kantantenan urban mas solisitá den e temporada aki a produsí ‘Kla pé’ i ta sigur ku e underground urban fan lo gusta e track aki. ‘Kla pé’ ta un produkshon di MagicKnocker i ta moviendo ku 33 mil views riba Youtube den apénas 5 dia.

Decoded ta anunsiá ku Jaido pronto lo ta lansando su promé kompakto titulá JAIDORICK, e kompakto outo-titulá lo karga piesanan nobo i tambe esnan ku ya kaba ta hit. Fanátikonan por sigui Jaido riba su Facebook, Instagram i SnapChat @jaidorick. Tur artista di Decoded por wòrdu siguí riba e Youtube Channel @decodedofficial. Por stream e piesanan riba iTunes, Spotify, Tidal i Apple Music tambe.