Fiesta di Sanikolas na Renaissance Mall & Rif For

WILLEMSTAD – Un djis ta asina leu atrobe; Sanikolas lo ta di bishita na Kòrsou i manera tur aña di nobo Renaissance Mall & Rif Fort ta preparando pa su fiesta! Tur mucha di 3 pa 10 aña di edat ta invitá pa selebrá e fiesta di Sanikolas i su Pietnan. E aña aki lo tin un ‘pre-show’ ku Popchi Solly, diferente aktividat interaktivo i un DJ.  Lugá ta limitá, pesei mester registrá! 

Atenshon na tur mayor; fiesta ta kuminsa 10’or di mainta.  Tur mucha ku registrá lo risibí regalo di Sanikolas.

Ta invitá tur mayor pa registrá na marketing@curacaorenaissance.com òf yama 435 5022  no mas tardá ku 4’or di atardi, dia 30 di novèmber próksimo. Por hiba e regalo pa departamento di merkadeo na di tres piso di Rif Fort. E aña aki tur hende ku ta hasiendo kompras òf ta di paseo na Renaissance Mall & Rif Fort tambe lo sinti e ambiente di e fiesta di Sanikolas, ya ku e Pietnan lo kanta, baila i bishitá e pakusnan repartiendo kos dushi.  Renaissance Mall & Rif Fort ta invitá tur mayor pa registrá nan yunan pa e fiesta anual di Sanikolas dia promé desèmber próksimo!