Willemstad – Maduro & Curiel’s Insurance Services (MCIS) for di novèmber 2013 ta ofresé seguro personal di outo, biahe, kas, entiero i pa kontenido bou di e nòmber BSure. E produkto BSure a wòrdu lansá primeramente na Kòrsou, pero a ekspandé su merkado na islanan di St. Maarten, Boneiru i Aruba. Pues ku hopi orguyo i plaser MCIS ta selebrá e di 5 aniversario di BSure. Un nòmber ku ta bon establesé i rekonosé den nos merkado di seguro.

E éksito di BSure ta spesialmente su plataforma digital, preis kompetitivo riba merkado i e echo ku klientenan por hasi nan pago mensualmente sin gastu adishonal.

Pa selebrá BSure su aniversario gerensia a hasi entrega di un regalo simbóliko na Brantwer Kòrsou spesial pa nan proyekto ‘Prevenshon, e mihó opshon”. Un proyekto den kua Brantwer Kòrsou ta duna charla den diferente bario, pa konsientisá i duna habitantenan tep kon pa prevení kandela na kas i den bario. Tambe habitantenan ta risibí e oportunidat pa siña durante e charla kon pa traha ku un aparato pa paga kandela (blusser), pa despues desaroyá huntu un plan di eskape pa den kas i bario kompletu.

MCIS no ta para ketu i den término korto ta planiá pa lansa seguronan nobo ku diferente fasilidat i benefisio adishonal.