WILLEMSTAD —Djasabra último, dia 10 di novèmber, a lansa e di seis edishon di CURA DOET, e akshon boluntario di mas grandi na Kòrsou. Riba 15 i 16 di mart 2019 CURA DOET lo bai tei den full swing ku su motto “Dun’un man, gan’un kurason!”. Curaçao Cares ta bolbe organisá, huntu ku Oranje Fonds e proyekto CURA DOET. Un akshon kaminda komunidat kompletu ta uni forsa pa sostené fundashonnan, institutonan i klupnan.

Den 2014, e promé biaha ku a organisá a akshon na Kòrsou, e tabata un éksito rotundo.

Tur aña di nobo organisashonnan sosial (entre otro sentronan di bario, skolnan, kasnan di kuido, klupnan deportivo, krèsh, ets.) ta inskribí un tarea i risibí sostén di un gran kantidat di boluntario!

CURA DOET 2019 – “Bo yudansa pa un sonrisa”

Durante e di seis edishon di CURA DOET, banda di e famoso “Dun’un man, gan’un kurason!” e aña aki tambe ta bai hasi huzo di e tema “Bo yudansa pa un sonrisa”. Ku esaki nos ke pone e enfoke riba e balor di trabou boluntario i e partisipashon di nos komunidat kompletu i espesialmente lokual esaki ta nifiká pa e organisashonnan ku ta ser yudá.

Tur aña di nobo organisashonnan sosial (entre otro sentronan di bario, skolnan, kasnan di kuido, klupnan deportivo, krèsh, ets.) ta inskribí un proyekto i risibí sostén di un gran kantidat di boluntario! E aña aki, prome ku lansamentu di CURA DOET riba 10 di novèmber, ya kaba mas ku 20 organisashon a inskribi nan mes ku mas di 20 projekto. Ku esaki por mira kon importante CURA DOET ta pas nos komunidat.

CURA DOET lo no ta posibel sin apoyo i konosementu di Curaçao Cares, Oranje Fonds i Reda Sosial. E tim di Curaçao Cares, ku ta e forsa tras di CURA DOET a hasi, for di aña pasá, un kambio. E aña aki e tim ta konsistí di: Deva-Dee Siliee; direktiva i konsehero/co-founder Curaçao Cares, Vicky Trinidad; project manager, Lysayé de Windt; direktiva i konsehero/co-founder Curaçao Cares, Chiarra Lo-a-Njoe; communicatie manager, Karen Wouters; assistent project manager, Yolanda Wiel; social media manager i Kiara Coffy; stazjèr.

Inskripshon pa tarea i aktividat

Organisashonnan i inisiativanan sosial por inskribí nan tarea òf aktividat for di awe riba e wèpsait www.curadoet.com òf por tuma kontakto ku Curaçao Cares na curadoet@curacaocares.org. Esaki lo ta posibel te ku 18 di yanüari 2018. Si un organisashon no tin sufisiente medio finansiero, Oranje Fonds lo por otorgá un donashon te ku 1,100 florin, por ehèmpel pa regla material òf transporte. Aporte finansiero ta limitá. Ku otro palabra…wak bo no keda afó!

For di kuminsamento di yanüari, tur persona, famia, grupo di amigu i kompania por inskribí i buska un tarea òf aktividat spesial pa bin yuda komo boluntario durante e wikènt di CURA DOET, dianan 15 i 16 di mart 2019. Kompanianan por sostené e akshon nashonal aki tambe dor di ofresé un servisio òf produkto ku deskuento pa realisá un tarea òf aktividat. Pa skolnan, CURA DOET ta un chèns ideal pa laga hóbennan tambe sera konosí ku trabou boluntario. Henter Kòrsou t’aden! Abo tambe?

Pa mas informashon por tuma kontakto ku Vicky Trinidad, na telefòn 5400177 i tambe ku nos ofisina entre 9or -1or di djaluna pa djaweps na telefón 788-1952. Si bo ke pasa serka nos personal yama òf mail nos promé pa traha un sita. Mail nos na curadoet@curacaocares.org.