Opinion riba responsabilisashon 2013 te i ku 2016

WILLEMSTAD – Siman pasá SOAB a raportá despues di kontròl sólido ku fundashon SONA su responsabilisashon finansiero pa loke ta HNO pa e añanan 2013 te i ku 2016 ta kompletamente na òrdu. E plan ta pa a base di esaki e aña aki mes ainda finalisá tambe e responsabilisashon di 2017. E relatonan di SOAB ta korespondé ku e deklarashonnan ripití di SONA ku tur e gastunan pa konstrukshon i interior di e hospital nobo ta konforme e presupuesto di e proyekto manera akordá pa Gobièrnu di Kòrsou na 2013.

Fin di ougùstùs SOAB a finalisá e responsabilisashon finansiero pa 2013 i 2014 den un tono positivo i siman pasá a sigui e opinion riba e responsabiulisashon finansiero di 2015 i 2016. Esaki ta fasilitá SONA pa responsabilisá na e Ministerio di GMN pa loke ta e gastamentu korekto di e medionan finansiero ku el a risibí den kuadro di e proyekto pa e hospital, loke ta korespondé ku e relatonan finansiero di kada kuartal i seis luna ku SONA a manda pa gobièrnu.

Konforme su enkargo SOAB a manda pa e minister di GMN ‘e resúmennan sertifiká di ingreso i gastunan di e proyekto HNO’ enkuanto e añanan 2013 te i ku 2016, agregando e deklarashonnan firmá di kontròl i e relato di akountant ku su konklushonnan. SOAB ta konkluí ku e atministrashon finansiero ta un reflekshon verídiko di e loke a risibí i a gasta na fabor di e proyekto HNO. E relato ta indiká alabes ku e pagonan pa e proyekto di hospital durante e kuater añanan aki a tuma lugá na un moda responsabel komplemente konforme e instrukshonnan. Esei ke men ku SOAB no a topa nada iregular den e maneho finansiero ku SONA a hiba.

Ademas, SOAB tin planiá pa promé ku fin di aña, huntu ku e akountent eksterno di SONA, finalisá di mes manera e responsabilisashon finansiero di 2017 tambe.