Tur kos ta kla pa Korsou risibi Ilan Chester i su banda dia 30 di November proksimo.

Debi na sirkunstansia di weer i tumando prekaushon pa ofrese un eksperensha tur afo riba e anochi aki, organisashon a disidi di move lokashon di pafo pa paden.

E sitio di e konsierto ta kambia di Sambil Square Events pa Auditorium di PWFC. Tur esnan ku a kumpra nan karchi kaba mester sa ku nada no a kambia, e karchi aki ta balido pa entrada di e show aki. E konsierto ta programa pa kuminsa na e mes orario i porta ta habri 8 or di anochi.

Ku e kambio di sitio, organisashon por sigura komodidat durante di e konsierto aki. Ilan Chester i su banda lo yega Korsou 27 i 28 di November pa ensaya aki na Korsou, pa duna e publiko loke nan ta spera di dje.

Karchinan general ta kosta 75,- i VIP ta kosta 150,- i ta obtenibel na Mensings Caminada i Van den Tweel supermarket.

Si tin kualke pregunta, sinti liber pa yama of whats app +5999 5256999.