Djabièrnè anochi Grupo di Karnaval “Entrenous Carnaval” a presentá nan trahe pa Karnaval 2019 na tur presente, na Top Level Up, Sta. Rosaweg # 178.

Ta p’esei Grupo Entrenous ta trese selebrashon di e triunfo di na Nelson Madiba Mandela den Karnaval 2019 di Kòrsou rekordando su ideologia i selebrando su triunfonan den bida.

Despues ku Grupo di baile “The Switch” a habri e show i presentá un tremendo baile e grupo a presentá nan trahe na tur presente ku “E Triunfo di Nelson Madiba Mandela”.

E parti mas hóben di e grupo ta e “Tribu”, despues e parti di “Triunfo” ku ta e premio Nobel e sekshon blou i por último e sekshon di VIP. Nos ta bai ku e banda musikal D-Edge 509, ku gueststar nan manera for di Aruba, Tommy Lee i tambe Lady Lava. I un sorpresa ku lo wòrdu divulgá despues.

Direktiva di Grupo Entrenous ta konsistí di : Presidente, Ruthson Cecilia: Vice presidente, Wladimir Domitilia: Tesorero, Jean Candelaria: Sekretaria, Sandra Martha: Komisarionan, Gertruide Rafael, Rodney Aniceto i Milouska Tremus.

Pa mas informashon pa ku e grupo i pa por inskribí por tuma kontakto na telefon: Ruthson tel. 694 5746; Rodney tel. 528 8000; Sandra tel. 695 8981; Miluska tel. 523 3149; Baby tel. 681 3458. Tambe por sigui nan riba Facebook “Entrenousdanki i nos website; www.entrenousdanki.com.