Djadumingu 4 di novèmber 2018 a tuma lugá na Amazonia (L’Aldea) e presentashon di trahe di grupo di karnaval ALo Loco.
Grupo Alo Loco ta bai partisipá pa promé biaha na nos gran marcha di Karnaval 2019 ku e tema ‘NOS TEI GARA BO’.

Grupo ALo Loco manera e nòmber mes ta bisa ta para pa lokura ekspresá den bon ambiente i goso total.
Partisipantenan di grupo Alo Loco ta bai transformá nan mes duranta Gran Marcha i Marcha di Despedida den arañanan ku ta bin pa GARA un i tur. Normalmente un araña ta traha su kas pa asina e gara su presa. Arañanan di grupo Alo Loco ta bin karnaval 2019 pa gara tur karnavalista den nan ‘web’ di ambiente i goso.

Durante marcha Alo Loco ta wòrdu kompaña pa Icons by Gio, pues partisipantenan por ta sigurá di un ambiente total.
Grupo Alo Loco ta wòrdu dirigí pa Kenneth Moesquit. Kenneth su promé eksperensia komo partisipante na karnaval tabata 6 aña pasa. Un eksperensia inolvidabel ku te awe e la keda mal “gara” den e ambiente i e goso ku karnaval ta trese. Kenneth ta kere fiel ku tur hende sikiera un bia den nan bida tin ku partisipá na e magno evento kultural ku nos isla ta ofresé. Huntu ku su tim e kier ofresé partisipantenan dos dia largu e oportunidat di ‘go crazy’ tur na gleter i stenchi gara den un bon ambiente.

Tur esnan ku kier bai karnaval huntu ku Grupo Alo Loco por registrá nan mes via di www.grupoaloloco.com. No ta tarda pa inskribí pa bo no keda afó.
Like nos Facebook Grupo Alo Loco pa bo keda na altura di tur informashon. NOS TEI GARA BO!

Atentamente,
Team Grupo Karnaval Alo Loco.