Sugar by Design 2018 den PWFC

Novèmber próksimo Kòrsou lo sera konosí ku un evento grandi kargá ku aktividat pa henter famia… Sugar by Design 2018!

Sugar by Design 2018 ta un aktividat ku ta konsentrá riba diferente kos hasiendo uso di diferente tipo di suku, suku puiru, suku bruin, suku orgániko i asta produktonan di beyesa ku ta kontené suku. Tambe lo tin hopi idea pa ku dekorashon pa bo fiesta.

E evento aki ta konsistí di varios sekshon:

• Sekshon di booth den un sala ku èrko
• Sekshon den airu liber bou di dak kaminda por kumpra diferente produkto i servisio
• Sekshon di demostrashon kon pa traha bolo i dekoré
• Sekshon di kurso, dekorashon ku téknika nunka bisto aki na Kòrsou duná pa instruktornan internashonal
• Sekshon di kompetensha di dekorashon di bolo, tantu pa tiner komo adulto
• Sekshon di dekorashon, unda e mihó dekoradónan di Kòrsou lo demostrá nan arte
• Sekshon di reseta
• Sekshon di mucha, unda ku nan tambe lo por dekorá nan bolo

E magno evento di suku aki ta tuma lugá dianan 16, 17 i 18 di novèmber próksimo na e edifisio di PWFC.

Pa mas informashon, por tene kontakto ku sra. Rodriguez na tel. 664-4000/517-2737, sra. Mathilda na 528-5396, via di facebook www.facebook.com/sugarbydesign2018 òf via email sugarbydesign2018@gmail.com.