Un Hòfi Sterke Yerke yena ku fanátiko ku a bin apoyá nan Rei òf Reina Kultural Banda Riba 2018, ku a resultá un biaha mas un éksito rotundo.

Direktiva Kultural Banda Riba por ta orguyoso un biaha mas pa e éksito ku e evento aki tabata tin djasabra anochi. Kaminda ku tres Rei i tres Reina a duna dos presentashon na nivel.

Den Rei Kultural Curaçao 2018 a resultá di Dos Finalista Ramysh Martha ku tambe a bai ku e premio Rei Dinámiko, Joel Villareal e keda eligí komo Promé Finalista Rei Kultural Curaçao 2018.

Komo ganadó apsoluto a resultá Eithelson Cadeau, Rei Kultural Curaçao 2018, ku a bai ku e premionan Rei Popular, Mihó Trahe Kultural i Rei Talento.

Reina Kultural di Dos Finalista a resultá Dyshona Sint Jago i Reina Talento. Promé Finalista a bai pa Julianne Macias. I komo Reina Kultural Curaçao 2018 a resultá Mahim Janzen i a bai tambe ku e premionan, Reina Popular, Reina Dinámiko i Mihó Trahe Kultural.

Direktiva Kultural Banda Riba kier a gradisí tur persona ku a kere den nan i spesialmente Green Power Generator, Deurwaarderskantoor Bazur, Leo Sound, Tapirama, Grupo Rítmiko SABLIKA, sr. Alvin Gerard, sr. Sherman Felipa, sr. Roelme Alberto ( Bolly), Coca Cola, sr. Johnny Isabella, EF Creations, R and J Towing, Kentley Clean Painting, Angels Embroidery, sr. Richardson, Propietario di Hòfi Sterke Yerke i Direktiva Kultural Banda Riba.