Un biaha mas Banda Riba ta bai selebrá huntu ku e pueblo di Kòrsou pa di tres biaha E Marcha Kultural Banda Riba 2018.

Un wikènt di selebrashon, kuminsando djabièrnè 26 òktober ku “Man riba Bari”, ku aktuashon di Grupo Ruta, Limania i Brasa Brasa, kompaña pa Dj Sandy i Mc Kalito. For di 8’or te ku 1’or di mardugá. Entrada lo ta fl. 5,–, IN=IN, OUT=OUT, na Hòfi Sterke Yerke.

Djasabra 27 òktober nos lo bai tin nos 08 hóbennan ku lo partisipá na “Bos di Kunuku 2018” kompaña pa 3 agrupashon musikal, Rítmiko SABLIKA, GRIK, Den Chikí. Entrada ta fl. 10,– pa persona, di 2’or pa 8’or di anochi na Hòfi Sterke Yerke. I e mesun dia nos lo eligí nos Rei i Reina Kultural Banda Riba 2018, ku 3 Rei i 3 Reina partisipando.

I djadumingu 28 òktober nos lo será e wikènt di selebrashon ku Broche di Oro, kaminda ku 2’or di mèrdia nos lo ranka sali for di Botika Mampuritu pa Hòfi Sterke Yerke ku nos “Marcha Kultural Banda Riba 2018”, kaminda nos lo yega pa 6’or di atardi. Den e marcha lo tin músika di Drum Squad, Dj Black, Dj Argenis Huerta i te patras lo tin Grupo Rítmiko SABLIKA. I einan nos lo kontinuá ku “Eksploshon Kultural 2018” te ku 12’or di anochi. Entrada den Hòfi lo ta fl. 5,– pa persona, IN=IN, OUT=OUT.

Dia 27 òktober tambe nos lo honra nos 3 Baluarte nan di Banda Riba ku a hasi hopi pa e barionan di Pariba den persona di sra. Edith Juliana, sra. Merelyn Rifaela i sr. Francis Knepa.

Direktiva Kultural Banda Riba ta invitá hinter Pueblo di Kòrsou pa bin pariba i huntu ku e pueblo di pariba selebrá tres dia Kultural. Kaminda ku Seú i Karnaval lo bai topa.

E aña aki un biaha mas…………….Banda Riba lo ta grandi !!!!!!!