Willemstad – CIBC FirstCaribbean su Walk for the Cure 2018, lo a ranka sali mitar di 6 di atardi djasabra dia 20 di òktober próksimo. E kaminata lo sali for i terminá na e ofisina di CIBC FirstCaribbean na De Ruyterkade 61. CIBC FirstCaribbean ta vigilá e wër pues ta supliká tur koredó i kanado pa vigilá e medionan di komunikashon pa e ultimo notisia tokante di Walk for the Cure.

E aña aki CIBC FirstCaribbean na Kòrsou a uní ku partnernan korporativo Always, Antilliaans Dagblad, Amigoe, BTP, Curoil, Extra, Hyundai, LBH Group, NuCuraçao Windparken B.V. i Tampax pa presentá e Walk for the Cure pa tese e di 7 edishon di CIBC FirstCaribbean Walk for the Cure. E fondonan rekouda ta yuda pa varios organisashon por asisti den kompra i mantenshon di ekipo pa diagnistiká i trata pashèntnan di kanser.   Na Kòrsou tur fondo genera ta bai pa Stichting Prinses Wilhelmina Fonds.

Pues partisipando den e Walk for the Cure bo ta kontribuí i sostené e trabou balioso di Stichting Prinses Wilhelmina Fonds ta hasiendo na benefisio di pashèntnan ku kanser i nan famia.

Tur koredó i kanadó ku ta partisipa na e CIBC FirstCaribbean Walk for the Cure ta keda spera djasabra awor pa ranka sali mitar di 6 di atardi pa e kaminata ku ta pasa den e kayanan pintorèsko di Punda i Pietermaai.   Promé i despues di e kaminta tin posibilidat pa chèk preshon i midi suku mientras muchanan por gosa lo máksimo den e area speshal pa muchanan kua lo tin bouncers.