WILLEMSTAD – Pa algun luna kaba e ta tópiko di kombersashon. Un di e festivalnan di ‘dance’ mas grandi na mundu ta bin Kòrsou: The Flying Dutch. Djaweps anochi dia 25 di òktober, for di 6’or di atardi, públiko presente i fanátiko di músika ‘dance’ lo disfrutá di algun super artista, entre nan Armin van Buuren ku lo ofresé un espektákulo sin igual na Mambo Beach. Tin bon notisia pa e miembronan di Fun Miles na Kòrsou! Nan por troka nan puntonan pa karchi na ofisina di Fun Miles, i tambe pa ficho durante di e evento djaweps próksimo.

Karchinan di Fun Miles semper tin deskuento

Fun Miles a bin ta ofresé su miembronan pa años kaba e oportunidat di troka nan puntonan pa karchinan di evento, manera The Flying Dutch. Esun ku kumpra su karchi hasiendo uso di Fun Miles semper lo benefisiá di un deskuento chikitu, enbez di paga e preis regular. E ofisina di Fun Miles na Dominguito ta habrí tur dia di siman for di 8AM pa 12PM i di 1PM pa 5PM.

Preisnan di karchi

Karchinan general pa The Flying Dutch Curaçao ta optenibel pa 6.900 Fun Miles, òf un kombinashon di 1.500 Fun Miles + 100 florin. Un karchi ‘Superfan’ (VIP standing) ta optenibel pa 12.200 Fun Miles, òf un kombinashon di 2.725 Fun Miles plùs 175 florin.

Tokante di The Flying Dutch

The Flying Dutch ta é festival den aire liber di músika ‘dance’ mas grandi di Hulanda. Un festival di e magnitut aki no a yega di tuma lugar na Kòrsou ainda. E esenario só tin un hanchura di 50 meter. E ‘line-up’ ta espektakular: Armin van Buuren, Sunnery James & Ryan Marciano, Sevn Alias, Lucas & Steve, Menasa i Jeon. Ademas di The Flying Dutch tin diferente aktividat na Mambo Beach ku DJ (nan) Hulandes durante henter siman. Bishitá www.theflyingdutch.com pa mas informashon.

Tokante Fun Miles

E aña aki, Fun Miles ta selebrá su 20 aniversario komo e programa di spar i troka mas grandi den Karibe. Miembronan di Fun Miles ta disfrutá kontinuamente di promoshonnan ‘fun’, manera próksimamente e kampaña espektakular di fin di aña. Miembronan lo tin chèns di gana míles di premio. Si bo no ke pèrdè e ‘fun’ sigui nos riba social media. Fun Miles ta spera di por keda eksplorá e ‘fun’ huntu ku Kòrsou pa hopi aña mas.

Mas informashon tokante Fun Miles?

Tuma kontakto ku servisio na kliente na number 465 3300 òf bishitá funmiles.net òf facebook.com/funmiles