ORANJESTAD, Aruba – 18 di October 2018: E autor Dana Mahan Jr. a presenta su buki nobo durante un evento na Riu Palace Antillas. Ta su prome buki “Love brought me to Aruba”, cu ta parti di su trilogia. Riu Palace Antillas tabata contento di por tabata anfitrion di e evento.

E autor Mericano Dana Mahan Jr. ta un bartender na Matthew’s y ta biba na Aruba pa algun aña caba cu su casa. Hopi turista tabata puntra Dana Mahan Jr. kico a pone bin biba na Aruba y e tabata conta nan. E turistanan a cuminsa encurash’e pa skirbi un buki di su storia pasobra esaki tabata uno di inspiracion. Esaki a pone pensa y el a bisa su mes cu e “tin un storia pa conta”.

E prome parti di buki ta encera con mi a bin Aruba y tur esaki ta danki na mi wela, Dana Mahan Jr. a expresa. E ta corda cu el a perde su trabou y su tata a sak’e for di cas, esey a pone cu nan no tabata papia. E wela a paga su gasto pa bin Aruba unda cu el a bin celebra cumpleaños di su tata. Door di su tata el a bin conoce su casa kende tabata bartender na Moomba Beach.

Despues cu el a regresa Merca, hopi cos den su bida a cambia. E ta contento cu amor a pone bin Aruba cual inicialmente esey no tabata e plan. Su di dos buki pronto tambe lo ta riba mercado y ya caba e ta trahando riba e ultimo buki di e trilogia “Love brought me to Aruba”. Dana Mahan Jr. ta gradici tur hende cu a push e pa skirbi su storia y tambe Riu Palace Antillas cu a lag’e tene su evento di firma buki.

RIU Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 50 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.