Durante di Aruba Bank su Customer Appreciation Week

ORANJESTAD, Aruba – 15 di October 2018: Aruba Bank a celebra e tradicional “Customer Appreciation Week”. E evento aki a bira un custumber di banco, unda cu ta gradici clientenan pa nan lealtad y confiansa!

Na tur sucursal di Aruba Bank tabatin sorpresa p’e clientenan. A sorprende nan na e mashinnan di ATM y tambe na e Smart Deposit cu premionan efectivo. Tambe diariamente a saca varios ganado entre e clientenan cu ta haci uzo di Aruba Bank su Online Banking.

E banco cu ta carga nomber di nos pais ta consciente cu clientenan ta lo mas importante den cualkier compania. Clientenan contento hopi bes ta traduci den mas lealtad y compromiso cu e banco. Anualmente ta dedica hopi esfuerso y inversion den empleadonan pa garantisa un bon servicio na clientenan. Y den e siman cu a pasa, a enfoca riba e aprecio na clientenan mes, cu aunke tin un opcion den mas banco, toch pa hopi aña ta deposita nan confiansa den Aruba Bank.

No ta algo cu e banco ta tuma como un logro sin mas, sino ta haci tur esfuerso pa mantene e clientenan y desaroya un miho relacion cu nan, complace nan mas cu por y surpasa nan expectativa den e nivel di servicio cu ta ofrece nan diariamente.

Aruba Bank ta orguyoso di premia su clientenan, kendenan tin confiansa den e banco. Aruba Bank ta felicita cada ganado y ta gradici su clientela pa kere den nan.