Direktiva Kultural Banda Riba lo bai organisá pa di tres biaha E Marcha Kultural di Banda Riba, kaminda ku pueblo di Banda Riba ta invitá hinter Kòrsou pa bin selebrá ku nan nos Kultura. Kaminda ku Seú, Tambú, Tumba ta uni den un selebrashon.

Durante di nos Konferensiá di Prensa sr. Shurendi Pieternella, presidente di Direktiva Kultural Banda Riba a informá tur loke ta bai pasa riba e wikènt di selebrashon ku ta dianan 26, 27 i 28 di òktober próksimo na Hòfi Sterke Yerke.

E aña aki tin un inovashon tres dia di Selebrashon ku ta kuminsá dia 26 òktober 2018 riba un djabièrnè, Dia di Tambú ku aktuashon di Gruponan RUTA / GRUPO BRASA BRASA / LIMANIA. Entrada ta fl. 5,– pa persona. Si bo sali i kier drenta bek mester bolbe paga fl. 5,–. Orario : 8’or pa 1’or di mardugá.

Partisipashon di Festival Bos di Kunuku i Elekshon Rei i Reina Kultural Banda Riba. Djasabra 27 òktober 2018 na Hòfi Sterke Yerke. Di 2’or pa 8’or anochi. Entrada ta fl. 10,– pa persona. Riba e dia aki nos lo HONRA NOS 3 BALUARTE NAN.

Djadumingu 28 òktober, MARCHA KULTURAL BANDA RIBA ku ta kuminsá ku un konteo ofisial for di Botika Mampuritu pa 2’or di mèrdia ku ta pasa den Kayanan di pariba rumbo pa Hòfi Sterke Yerke kaminda nos lo yega pa 6’or di atardi.

Ora ku yega Hofi Sterke Yerke lo tin ”EKSPLOSHON KULTURAL 2018” te ku 12’or di anochi. Ku aktuashon musikal di : GRUPO KOMPER / DEN CHIKI / RITMIKO DEN GOSO / GRUPO RITMIKO SABLIKA / VEGA ku LA DIVA GIGI komo GUESTSTAR. Aki tambe entrada den Hòfi ta fl. 5,– pa persona i si bo sali pa drenta bek ta fl. 5,– atrobe.

Nos kier a anunsiá ku e aña aki atrobe nos tin 3 BALUARTE DI PARIBA:   sr. Francis Knepa, sra. Edith Martina i sra. Merelyn Mariana Rafaela, personanan ku a nifiká i hasi hopi pa e bario di Pariba. E aña aki nos tema pa Banda Riba “ MUCHA DI PARIBA” Kanta pa Ella Bernabela, kompaña pa SABLIKA. Komposishon i melodia di Mariloe Djaoen – Boeldak /Areglo…..SABLIKA. Spera e videoclip ku tambe ta na kaminda. Nos ta invitá pueblo di Kòrsou pa bin selebrá un wikènt di Fiesta kultural na Banda Riba.

“Banda Riba lo ta grandi “