WILLEMSTAD:- E kolekshon nobo di Pandora ta un símbolo di kreensha i ekspreshon di karakter. E liña ta presentá un armbant di silver mas fini kompañá ku un variedat di e popular ‘charm’ sterling silver i delikado. Kada ‘charm’ ta representá un balor personal. Sea ku e ta rèspèt, felisidat òf pashon. E kolekshon nobo ‘Essence’ di Pandora ta optenibel na Pandora den Punda na Gomez Plein. Inspirá dor di e hende muhé i pa e hende muhé, ‘Essence’ ta un regalu perfekto pa fin di aña. Kada un piesa ta símbolo di sentimentu, pues ideal komo opsekio di parti di e kabayero pa e dama. Den un bida na unda ku nos ta hopi prekupá ku tur loke ta sosodé rònt di nos, ‘Essence’ ta símbolo di trankilidat i ta krea un konekshon un poko mas profundo- esun ku nos mes. Pa introdusí e kolekshon nobo, Pandora ta organisá e fin di siman benidero un aktividat pa lansa e piesanan nobo di ‘Essence’.  Djòin pa un atardi relahante na Pandora den Punda na Gomez Plein i si bo tin, bin ku bo mat di yoga! Djasabra dia 7 di desèmber, entre 4’or i 6’or di atardi, lo presentá un seshon spesial di Yoga, presentá dor di skol di yoga, Kirtana. Lo tin kos di bebe i pasa boka pa tur ku partisipá òf bin presensiá e seshon di yoga presentá dor di Pandora i Kirtana, djasabra na Gomez Plein den Punda. Pa tur ‘Pandora Shopper’ e parkeo den Pietermaai Parkinglot lo keda validá. Pa mas informashon por tuma kontakto ku pandora.cur@boolchand.com òf info@kirtana168.com, Bo ta keda invitá pa partisipá i relahá, selebrá e lansamentu di ‘Essence’ e kolekshon nobo di Pandora.