I grupo di karnaval hubenil Nos Tambe Tei ta den full swing ku preparashon pa karnaval 2014. Despues di nan eksitoso aktividat pa generá fondo “Aqua  Sint Feria” djasabra ku a pasa den kurá de Kolegio Sta Clara, a toka turno ayera na presentashon di 7 hobensitanan na e sertámen Little Princess 2014 i alabes elekshon di Little Princess Press 2014. Den un ambiente super kolorido i den airu liber i kompañá ku zonido di animal di nos Parke Tropikal,nos 7 hobensitanan a presentá nan mes i alabes skohe nan number di aparishon pa e sertámen. Tin ku menshoná ku esaki atrobe a sosodé den un forma super kreativo. Tur partisipante a risibí un kahita ku un “cupcake” aden. Riba e “cupcake” nan por a enkontrá nan number dòrná ku suku riba dje. E partisipantenan pa Little Princess 2014 ta: Ashantely Ramirez Casado,Rusheani Ramazan,Gabriela D’Aguiar,Sjuliany Luijando,Erledy Pieter,Gabriella D’Aguiar,Rushaena Ramazan. Despues di un kòmbersashon ku nos miembronan di prensa presente i señor Hubert Isenia, direktor Parke Tropikal, a skohe Little Princess Press 2014 kual a resultá partisipante number 4 Shuliany Luijando. Pa mas informashon i desaroyonan di e sertámen Little Princess 2014, sigui nos na nos página di facebook: Grupo Nos Tei/Nos Tambe Tei