Registrashon pa e premio anual a habri!

For di awor inisiadónan den e parti di Karibe di Reino Hulandes por registrá pa Appeltjes van Oranje di Oranje Fonds. ‘E poder di hasi mas huntu ku boluntarionan’. Oranje Fonds ta buska organisashonnan sosial, ku di un forma eksepshonal ta mobilisá boluntarionan i tene nan aktivo pa konektá hende di un forma duradero. Por registrá te ku 14 di òktober via www.oranjefonds.nl/appeltjes. Na mei Reina Máxima ta entregá e premio na Palasio Noordeinde, Den Haag

Nos ta buska organisashonnan ku pa medio di nan aserkamentu, poder inovativo i nan entusiasmo i animo di bèrdat a logra algu eksepshonal i huntu ku nan boluntarionan ta konektá hende na un forma duradero. Ken ta esnan mas mihó ku por hasi esaki i keda tene e boluntarionan aktivo?

‘E poder di hasi algu huntu’

Peter Douwes, direktor di Oranje Fonds: “Nos ta kere den un sociedad uní den kua tur hende por partisipá. Pa esei bo mester di hende ku por lora nan manga i ku ta sigui hasi esaki ku pashon, tur dia di nobo. Boluntarionan ta krusial. P’esei Oranje Fonds ta sostené inisiadónan ku ta konektá boluntarionan pa bini den akshon pa otronan.”

Kriterio

Proyektonan ku ke bini na remarke pa un Appeltje van Oranje 2019 mester kumpli ku algun kondishon. Mester tin un vishon bon kla i ta eksitoso den nan aserkamentu na e boluntarionan pa nan dedikashon. Tambe mester por traspasá e inisiativa i tin un ròl di duna bon ehèmpel. Por haña tur kriterio pa partisipashon riba www.oranjefonds.nl/appeltjes.

Preis

Tur aña ta repartí Appeltjes van Oranje na tres proyekto sosial ku di un forma eksitoso ta konektá diferente grupo di hende òf ku ta sòru pa e hendenan bolbe partisipá den komunidat. Tur aña tin un otro tema. Tur ganadó di un Appeltje van Oranje ta haña un estatua chikí di bròns trahá pa Prensès Beatrix i un suma di plaka di 15.000 Euro. Tur aña Reina Máxima ta entregá e premionan. Den e añanan ku ta selebrá un lustro esaki lo ta na enkargo di Rei Willem-Alexander.

Oranje Fonds

Oranje Fonds ta boga pa tur hende den komunidat por partisipá. P’esei nos ta duna sosten na proyektonan sosial den Reino Hulandes ku ta konektá hende ku otro. E sosten ei ta konsistí di sèn, atenshon i konseho. Rei Willem-Alexander i Reina Máxima ta e pareha patrosinadó di Oranje Fonds.