WILLEMSTAD – Huntu ku 150 otro pais rònt mundu, Kòrsou tambe ta tuma parti na “WORLD CLEAN UP DAY “, 15september próksimo. E meta di e dia aki ta pa mundialmente limpia masalmente i pone enfoke riba e problemátika di sushi. Na Kòrsou mas ku 2000 persona a inskribí komo boluntario pa djasabra awor partisipá na e akshon mundial aki, i di e forma aki duna un man pa limpia Kòrsou i hasié mas bunita.

Tin 47 área di kordinashon rònt Kòrsou, pa e akshon aki,i Djasabra último e kordinadónan di e 47 área nan aki a reuní huntu ku e organisashonnan di e voluntarionan. Den un ouditorio di Selikor kompletamente yen, e organisashonnan a haña informashon i teps, pa yuda prepará debidamente pa djasabra 15 di sèptèmber benidero.

Inskripshon i partisipashon ta posibel ainda

Inskripshon ofishal e sera pa e organisashon di World Clean up por organisá tur aspekto logístiko nesesario i kordiná ku tur grupo di boluntario ku a inskribí, pa Djasabra benidero ta un éksito. Si bi ke partisipá i bo NO a inskribí ainda hasi esaki mas pronto ku ta posibel pa nos por evaluá na unda bo aporte ta di mas nesesidat. inskribí awe mes na www.worldcleanupcupdaycuracao.org                

Aporte i sosten

World Clean Up day na Kòrsou,ta kontentu di por konta ku e aporte i sosten di e Ministernan en general i muy en partikular di e ministerionan di SOAW i GMN . Tur aña nos por keda ku kompanianan lokal ku tambe ta duna nan sosten e akshon aki pa medio di boluntario, material i aporte finansiero, manera , Antillean Scrap; Chogogo; CWM/JaJo; Diesel; Dijktransport; Ennia; Kooyman; MCB; Papagayo; Selikor; TrustMoore en Zanzibar. Pa tur partisipante di e akshon , “Clean Up” ta organisá na 88 Beach Club na Pietermaai un ‘Afterparty’ for 12 or di mèrdia, inmediatamente despues di e limpiesa.

Tras di kortina e siguiente kompania i òf organisashonnan huntu ku esnan ya kaba menshoná tambe ta duna nan aporte, Clean Caribbean Coalition; Coca-Cola Curacao; Curacao Cares; Curious2Dive; Federashon Otrobanda; Maarten Schakel; MRC en Raoul Hoofdman.