Ayera 6 September durante un atardi ameno aya na Le’Ciel Restaurant riba Carcaasbaaiweg, Los Angeles Dodgers representa dor di nan scout Rolando Chirino a ofisialisa nan contract ku e pitcher slengu Denverick Martines. 
 Denverick pa hopi aña a hunga den team di Jandoret i aña aki a forma parti di e team Hubenil di Marchena Braves i tambe a forma parti di Selekshon di RBI Senior League ku a bai representa Korsou na World Series di RBI na Minnesota.
Despues di un tremendo try out den luna di Augustus kaminda Denverick a pitcha 88-89MPH Dodgers mesora a drenta negosashon ku EasyPlay Sports Management ku agente nan Jedrek Magdalena, Quincey van Blarcum I Nahim Attaf kual ta e kompania ku ta representa Denverick i varios otro prospekto i a logra yega na un akuerdo. 
 Den luna di Oktober Denverick lo biaha pa Republika Dominikana pa asina join “instructional league” kaminda e lo bai sigui ku su karera profeshonal. 
 Segun palabra nan di Lando Chirino scout di Los Angeles Dodgers. “Despues di hopi anja Korsou ta konose un prospekto pitcher ku ta firma komo profesional i e hungado aki tin potential di yega hopi leu”.