Gana un biahe pa bo destinashon faborito

Willemstad – SEPT 2018:  “Travel Madness di Caribe” ta bèk i ta duna e kliente chèns di gana un biahe pa dos persona ku ta inkluí estadia i un MultiCard ku 1,000 dòler pa gasta. Ademas, e aña aki tur siguidó di Banco di Caribe riba Facebook tambe tin chèns di kai den premio. Tur luna Banco di Caribe lo rifa un destinashon diferente; esun di luna di sèptèmber ta Havana, Cuba.

Apliká i gana den Travel Madness di Caribe

Travel Madness di Caribe tin un durashon di 4 luna. Tur kliente ku apliká pa un hipoteka, fiansa personal, fiansa pa outo òf un tarheta di krédito na Banco di Caribe tin chèns di partisipá! Ademas di e chèns pa gana un biahe pa 2 persona, klientenan por probechá di interes spesial i seguro na midí ku e hipoteka òf fiansa.

E tómbola di Travel Madness di Caribe ta akumulativo, ku ta nifiká ku si bo no gana den un luna spesífiko, bo ta keda den e tómbola pa e siguiente luna. E kampaña ta bálido te dia 31 di desèmber 2018.

‘Share’ e kampaña riba Facebook i gana:

E aña aki ta introdusí un ‘Facebook Challenge’ den e Travel Madness di Caribe.  Banco di Caribe lo anunsiá e destinashon di luna via di un ‘post’ riba su página di Facebook. Lo duna diferente informashon di e destinashon di luna i e maneranan pa gana den e kampaña. Si bo ta interesá pa sá for di un promé instante kua ta e destinashon di luna, bo mester ‘like’ e página di Facebook di Banco di Caribe i keda pendiente pa tur komienso di luna! Tur persona ku partisipá den e ‘Facebook Challenge’ i ‘share’ e ‘post’ ta partisipá den e rifa mensual ku chèns di gana un MultiCard ku $50. Bishitá www.bancodicaribe.com pa mas informashon i e kondishonnan ku ta aplikabel pa e kampaña Travel Madness di Caribe i pa e ‘Facebook Challenge’. Pa informashon adishonal por yama 4323200.