“Christmas Memories” un tema cu sigur lo yena bo curazon!

ORANJESTAD – SEPT – Diabierna ultimo Renaissance Convention Center (RCC) a presenta su Christmas Pre-Launching di un manera unico y inolvidabel. Manera ta e caso di tur aña a invita diferente cliente empresarial y nan representante pa ricibi e prome bista y experiencia di locual ta bay bira e ambiente pa e fin di aña aki.

“Un bista imprecionante…”, esey tabata e prome reaccionnan. E aña aki a enfoca riba e tema “Christmas Memories”.  E idea tras di e tema ta pa duna oportunidad pa tur bishitante saca potret na e diferente photo- booth(nan) cu lo tin den cada skina di RCC.  Di e manera aki lo crea recuerdonan inolvidabel. Cada photo- booth ta espectacular y special. Den un skina tin un ‘photo- frame’ di casi 3 meter di altura, y den un otro skina tin un ‘Corona di Pasco’ di casi 3 meter cu un decoracion bunita y elegante di E2 Events. Asina por menciona diferente detaye cu lo accentua RCC pa e temporada di fin di aña venidero. E aña aki lo uza primordialmente colornan blanco, preto y cora; y lo accentua e sala cu tokenan di oro y plata.

Manera tur aña di nobo e team culinario di Renaissance Aruba a hinca un menu den otro cu lo percura pa tur invitado, compania of famianan disfruta sigur! Diabierna ultimo a presenta un variacion grandi di platonan navideño y cuminda corespondiendo na fin di aña. E aña aki tambe lo ofrece paketenan cu ta inclui cuminda y bebida, y por diseña paketenan special dependiendo e cantidad di persona cu lo acomoda den RCC.  Ta conoci cu tur ‘Christmas Event’ na RCC ta conta cu un toke special! Haci bo reservacion via email mmtheijsen@arubarenaissance.com  y  sfortin@arubarenaissance.com of yama 523.6404.