ESO – Evento | Show | Otro

NOS SELEKSHON NASHONAL LO ENFRENTÁ GRENADA DIA 10 DI SÈPTÈMBER DEN STADION ERGILIO HATO!

4 DI SÈPTÈMBER NOS HUNGADÓNAN DI AFÓ LO TA NA KÒRSOU!

Preparashonnan ta kontinuá pa loke ta trata e kompromisonan di nos selekshon nashonal durante Nations League organisá pa CONCACAF.

Manera ya ta konosí dia 10 di sèptèmber próksimo nos selekshon nashonal lo enfrentá Grenada durante nos promé enkuentro bálido pa e promé buèlta di e kampionato di Nations League, miéntras nos segundo enkuentro aki na Kòrsou, lo ta dia 19 di novèmber 2018. Ámbos partido lo ta 8’or di anochi den Stadion Ergilio Hato. Nos hungadónan residensiá den eksterior lo pisa suela di Kòrsou, awe mèrdia 1:50 ku buelo di KLM p’asina djòin ku nos hungadónan lokal i kontinuá ku e preparashonnan pa e partidonan aki.

E siguiente hungadónan a keda selekshoná pa forma parti di nos selekshon ku lo mira akshon durante e kampionato di Nations League;

  1. Eloy Room (PSV)
  2. Shanon ‘Cheese’Carmelia (Ijsselmeervogels)
  3. Elson ‘Sontje’ Hooi (Ado Denhaag)
  4. Leandro Bacuna (Reading)
  5. Suently Alberto (Sparta)
  6. Rhu-Endly ‘Cuco’ Martina (Stoke City)
  7. Reangelo Janga (Astana)
  8. Ayrton Statie
  9. Gevaro Nepomuceno (Oldham Athletic)
  10. Darryl Lachman (PEC Zwolle)
  11. Jarchino Antonia (Omonia Nicosia)
  12. Shermaine Martina (MVV)
  13. Shermar Martina (MVV)
  14. Bradley Martis (Sparta)
  15. Jafar Arias (DC Emmen)
  16. Jimbertson Vapor (Scherpenheuvel)
  17. Rowendy Sumter (Scherpenheuvel)
  18. Jarzinho Pieter (Centro Dominguito)
  19. Ruensly Leuteria (Undeba)
  20. Brandley Kuwas (Heracles)
  21. Quentin Martinus (Urawa Reds)
  22. Jurich Carolina (NAC)
  23. Jeremy de Nooijer (Sherrif Tiraspol)

Lamentabelmente Charlison Benschop (Fc Ingolstadt) lo no partisipá mas na e enkuentronan aki debí na un leshon ku ela sufri durante e dianan tras di lomba. Juriën Gaari (RKC Waalwijk) tampoko lo no ta huntu ku nos selekshon pa motibu ku ela skohe pa keda ku e ekipo ku e la pasa pa forma parti di dje resientemente. Na nan lugá, Bradley Martis (Sparta) ku Jafar Arias (DC Emmen) lo djòin nos selekshon pa e partido aki.

Karchinan pa e weganan aki ta disponibel pa un òf pa ámbos partido na FFK bou di ora di ofisina, Botika Mampuritu, Beep Beep, 4th of July snèk na Barber, pòmp di gasolin Santa Maria i serka Sport Spot Boutique & More na Santa Maria pegá ku trùk di pan Komelon.

E preisnan pa e diferente paketenan pa sekshonnan ta lo siguiente:

  • SEKSHON A: VIP ta kosta Fl.250,- pa ámbos partido i Fl.150,- pa un partido (inkluso

konsumo)

  • SEKSHON B: Bou di tribunanan kubrí ta Fl.50,- pa ámbos partido i Fl.30,- pa un

                         partido

  • SEKSHON C: Tribunanan no kubrí ta Fl.30,- pa ámbos partido i Fl.20,- pa un partido
  • SEKSHON D: Mucha te ku 12 aña ku 60+ ta paga Fl. 15,- pa ámbos partido i Fl.10,-

                         pa un partido den sekshon general

Ainda nos tin algun di suèter di kolekshon nobo di nos selekshon nashonal ku ta Nike original na balor di Fl.75,- i nos a sobra e famoso shalnan di nos selekshon na balor di Fl.25,-.

Ámbos optenibel na FFK bou di ora di ofisina. Pasa buska di bo pa asina bo bin sostené i apoya nos hungadónan. Reservá djaluna dia 10 di sèptèmber i 19 di novèmber pa bo ta den stadion Ergilio Hato komo e number 12 sosteniendo nos selekshon nashonal!

Nos ta topa!

Lindomar