Willemstad, E wikènt aki, 31 di ougùstùs i dia promé di sèptèmber lo tin e estreno di “Ba Hink’é Sak’é Awó” na Zona Kultural, sala Norman de Palm ántes Teatro Luna Blou.

Percey (Boskwiri) Benita lo bin ku un komedia nobo pa asina entretené henter pueblo di Kòrsou. “Ba Hink’é Sak’é Awó” ta un obra humorístiko ku un mensahe hopi fuerte i sin nada di palabra malu.

Marvis ta un señora ku ta bai tur dia Casino poniendo na riesgo su Famia. E ta laga su yu muhé Liesje hasi kosnan pa e por haña sèn. Filisifo su yu hòmber a kai presu pa atrako i Filo su kasa ta tur dia na chino bebiendo huntu ku su amigu Mariachi.

Kiko tei sosodé ku henter e famia aki? Estreno djabièrnè 31 ougùstùs i dia promé di sèptèmber nueb’or di anochi na Zona Kultural.

Karchi na balor di Naf 27.50 optenibel na Mensing’s, 24 uur uit de muur i Zona Kultural. Pa mas informashon por yama 462-2209.