WILLEMSTAD – Avila Beach Hotel ta un di hotèlnan na Kòrsou mas konosí pa su afiliashon ku músika. Esaki, pa medio di e nòmbernan grandi den ‘jazz’ lokal ku despues di 25 aña di presentashon por yama Blues Bar nan segundo kas, mirando ku e menú musikal di e hotèl ta enserá mas ku 200 shou ku músika en bibo pa aña. Den e siman pa yega e gran konsiertonan di ‘Curaçao North Sea Jazz’ i riba e anochinan preliminar, e hotèl ta bai tur afó.

E gran komienso di Avila su siman di ‘Jazz’ ta tuma lugá riba djamars 28 di ougùstùs ku un konsierto di e banda hulandes di ‘funk’: INDIANAH. Nan lo presentá for di 7’or riba e tarima úniko di Blues, ku ta e plataforma tan konosí formá den altura di e dak di Blues, mirando abou riba e sifón ku serbes friu di Heineken.

E talentoso i presioso kantante i outor Eva Luitsz lo ta den ‘full swing’ riba e podio di bich durante ‘Avila Beach Vibes’, Avila su ‘Gin & Tonic Happy Hour’ semanal riba djarason. Riba djaweps tur genio riba tereno di ‘jazz’ na Kòrsou ta invitá pa subi tarima huntu ku Eric Calmes i su amigunan pa e ‘At Sea Jam Session’. E hotèl ta ofresé su huéspetnan i bishitante di e konsiertonan transporte gratis pa bai i bin bèk for di ‘Curaçao North Sea Jazz’.

Reservá un lugá, stashoná bo outo sentral, atkerí minimalmente 2 bebida na bar i kalentá tanten for di 5’or na Avila riba músika bibu. Disfrutá di un siman musikal! Por haña mas informashon riba Avila su página di Facebook.