Djaweps atardi durante e rueda di prensa na Saint Tropez huntu ku Icons by Gio e Grupo di Karnaval nobo Alo Loco tambe ta tin su presentashon na prensa.
Grupo Alo Loco ta un sonjo ku a bira realidat awe.
E inspirashon pa lanta e grupo i e nomber a bini dor di a ekperensia Karnaval 6 aña pasa pa prome biaha den marcha ku grupo Wepa. E fiesta di tur fiesta esta Karnaval a hasi un impakto asina grandi ku semper e sonjo pa realisa un propio grupo tabata un deseo.
Den Alo Loco nos ke pa bo sinti bo liber pa gosa na bo manera all out, un lokura total klaro den e sentido responsabel i positivo.
Banda di e sonjo aki Grupo Alo Loco tambe ta bini pa engrandese e fiesta kultural di mas grandi di nos dushi Korsou.
Ya pa anjos nos dushi Karnaval ta bai atras tantu na grupo nan komo partisipante pesei Grupo Alo Loco ta apoya tur grupo nobo ku tambe ta hasi tur posibel pa bin partisipa den Karnaval. Paso ta huntu nos tur ta hasi Karnaval posibel. Grupo Alo Loco ta kere ku huntu e union bou di e grupo nan por hasi e Karnaval grandi manera antes pa no solamente pa esnan ku ta partisipa den marcha pero tambe pa e grupo grandi para kanti kaminda of na kas via televishon, radio, internet pa nan tur huntu gosa di e Karnaval.
Loke nos ta bai ofrese i kere den dje den Alo Loco ta:
- Premium service (Premium Bar & Catering)
- Trahe espektakular
- Super bon Ambiente
Pa realisa e super bon Ambiente nos tin un akompañamentu musikal monstroso e fenomeno Icons by Gio huntu ku e revelashon nobo i talentoso YMG.
Ta hopi importante pa menshona ku Grupo Alo Loco tin eksklusividat di TUR e kantante nan ku ta forma parti di tur dos banda esta e kantante nan di Icons by Gio ku ta Hunnely, Amos, DjudjuV i Stevens Daniel.
Pues tur esnan menshona ariba ta kanta durante tur dos marcha solamente ku Grupo Alo Loco. Keda pendiente pa mas informashon, inskripshon i mas sorpresa otro siman ora ku Grupo Alo Loco ta launch nan site i nan reda sosial (Facebook & Instagram).
Danki na tur ku a kere a warda a yuda i ta kla pa forma ta parti di e famia Alo Loco.
Atentamente,
Team di maneho di Grupo Karnaval Alo Loco.