Djaluna mainta Kolegio Erasmo, situá na Suffisant a risibí un bunita regalo i sigur hopi útil pa e skol un “Kuler di awa” for di man di Parlamentario sr. Gilbert “Gibi” Doran.

Ku e klima di nos pais un Kuler di awa friu sigur ta algu hopi útil pa nos muchanan nan un skol, p’esei mes e idea pa regalá Kolegio Erasmo un Kuler. Direktor athunto juf. Espacia a ekspresá nan alegria pa ku e bunita gesto aki i nan ta sumamente agradesido.

Segun sr. Gibi Doran ta un satisfakshon di por regalá e skol un kuler i ku e tin dos skol mas den mente pa por hasi nan tambe kontentu.

Riba e foto por tuma nota di entrega di e Kuler, huntu ku dos alumno i Direktor athunto juf. Julienne Espacia i sr. Gibi Doran.