Na nómber di gerensia di Sambil, Instituto pa Formashon Musikal, i Amak, un danki di kurason na tur e hóbennan i nan mayor, ku a demostrá interes, i a inskribí na “Kidi’s Corner” na Sambil.

Nos ta konsiente di e situashon finansiero di nos pais, pero si nos no invertí den formashon, e situashon den próksimo añanan lo por empeorá.

E konsepto pa laga muchanan siña muzik den grupo, ta un idea básiko di nos método di “Akademia di Musika Maestro Errol el Toro Colina”, ku a duna fruta, i ku a eduká hopi hóben, durante ultimo 12 aña.

Diferente di e studiantenan ku a gradua den e promé parti di e formashon musikal i ku a preferá di bai forma parti di agrupashonnan musikal lokal, ta notabel den nos farándula di Kòrsou.

Kòrsou su futuro musikal, pa lokual ta trata músikonan bon prepará, ta garantisá.

Tin ainda tin posibilidat pa hóbennan te ku 15 aña inskribí na Kidi’s Park Sambil, pa haña instrukshon musikal den e siguiente materianan: Fió, Keyboard, Piano, Kitara, Bass, Trompèt, Flouta, Saxofon, Trombon i Kanto.

E intenshon ta pa kuminsá ku e lèsnan na prinsipio di sèptèmber 2018.

Un biaha mas danki i nos ta sigui konta ku boso sosten.