Liga pa Nos Tur ta un liga di softball femenino veterano, tur djabièrnè i djasabra na Frank Curiel Ballpark, entre 7’or pa 12’or pm.

E wikènt aki ta final di weganan pa playoff kuminsá otro siman, p’esei Shining Stars kier invitá pueblo di Kòrsou pa bin sere bunita, ( Esaki ta un lema ku Shining Stars mes a traha pa nan mes ku tur nòmber di e team nan ku ta partisipá den e liga: Nos di SHINING STARS ta bin hunga bala SIN STRESS nos ta CHILL nos ta CHILL, paso ta UN KARA nos tin i MI DESEO ta pa nos bira kampion un bes mas).

Pues pueblo di Kòrsou ta keda invitá pa dianan 27 i 28 yüli próksimo na Frank Curiel Ballpark, for di 7’or anochi. Kada un anochi lo tin animashon di nos artista i banda nan lokal manera entre otro Dolce Band, Grupo Rítmiko Sablika i Grupo RUTA.

Entrada ta grátis i Bar ku Kushina ta bon surti !!!!!!!!