Willemstad– Komo patrosinadó ofisial di Kopa Mundial di Fifa 2018 Coca- Cola a sa di pone komunidat den su totalidat sinti e pashon pa Kopa Mundial 2018 ku e kampaña ‘Tapa di Oro’.
Den presensia di invitadonan gerensia di Curaçao Beverage Botting Company (CBBC) a hasi entrega ofisial di e tres último premionan na e respektivo ganadornan den un ambiente futbolístiko na Sentro Deportivo Kòrsou.

Pa mas ku dos luna largu Coca-Cola Kòrsou i Boneiru a hiba un kampaña ekstenso brindando komunidat oportunidat pa troka tapanan di oro kual ta parti di tur produkto ku CBBC ta produsí lokalmente, pa algun artikulo fabuloso entre otro tas, bala i glas ku ta relatá ku Kopa Mundial.
E kampaña tabata sumamente eksitoso i banda di e artikulonan ku komunidat por a risibí na momentu ku a troka tapa tabatin dos rifa grandi kaminda e kompania a hasi dos persona felis ku un biahe pa Russia pa eksperensiá Mundial 2018 i por último pa klousurá e kampaña ku ‘broche di oro’ a rifa un Iphone 8, Flatscreen 49” i un Playstation 4 tantu na Kòrsou i Boneiru, pues un total di 6 premio.

E ganadornan na Kòrsou ta Shermaline Boeldak (iPhone 8 RED); Signalda ‘Chinka’ Olario (LG 49″ TV flatscreen) i Julius Boutisma (Playstation 4 + FIFA’18 game). Na Boneiru e felis ganadornan ta Sharissa Martis (iPhone 8 RED); Francellys Pieter (LG 49″ TV flatscreen) i Patricia Orozco (Playstation 4 + FIFA’18 game).

Ku gran sentido di satisfakshon por wak bèk riba e kampaña Tapa di Oro komo un bunita opsekio di Coca- Cola den kuadro di Mundial 2018 i e kompania su di 80 aniversario na Kòrsou.