Djamars awor dia 24 di yuli

Willemstad- E hoben Sendly Sendar ta un ehempel pa tur esnan ku ta pensa ku ora un persona tin limitashon e no por funkshoná den komunidat. Sendly Sendat no opstante su limitashonnan, tin un abilidat. Esei ta di organisá kos pa hasi hende kontentu. E organisashon ta un di esnan ku ta yuda e hoben aki dor di duné e sala riba Freewinds pa e por organisá su eventonan i asina generá entrada pa e biba tambe. Ya den pasado atrabes di añanan diferente ta e artistanan ku a bin ta yuda Sendly dor di kontribui kuné kantando. Anto te ahinda tur e konsiertonan ku ela organisá tabata masha gustá i eksitoso.

Djamars awor  dia 24 di yuli lo bai tin un anochi diferente riba Freewinds ku Kòrsou su kantantenan mas gustá riba tereno di Bolero, montuno i músika di ayera ku ela titulá “E reina mei mei di e rei nan”. Kantantenan ku lo bai tei ta: Romeo Heije ku su bos di oro kantando  su hitnan grandi di tur tempu. Tambe lo tei e bolerista nòmber unu di Kòrsou Dennis Cecilia. Huntu kun nan lo bai tei e kantante nòmber unu den e genero di músika kòmbèk, Kenneth Hooi. Kenneth Hooi kende ta kantante di e banda “Forsa Dos” atrabes di añanan a bira e kantante ku ta pega mas Hit tantu aki, komo na Hulanda.

Pa koroná e anochi aki e Reina mei mei di e Rei nan lo ta Melania van der Veen. Kontrali na su ultimo presentashonnan riba Freewinds, Melania lo ta kantando dos di su hitnan aktual i tambe e lo kanta ku Kenneth Hooi.

Entrada ta kosta fl.30,– i karchi ta optenibel na Beep Beep Rio i tambe 24 Uur uit de muur. Tambe por reserva i kumpra karchi na tel. 515 6193 Show ta kuminsá 7:30 en punto.