Djaluna mainta e komandantenan di e ocho barkunan di bela estilo tallship a reuní riba brùg Emma pa un seremonia kòrtiku huntu ku e komandante di marina real na Kòrsou i e komandante di e barku naval Hulandes Friesland i presidente Lucky Ezechiëls de Marchena di Curaçao Sail Foundation i su komitiva huntu ku presidente di Velas Latinoamérica. E último aki a konfirmá un dilanti miembronan di prensa lokal i internashonal ku ya nan a inkluí Kòrsou den e regatta di aki 4 aña, ku Brazil lo organisá, i esun di aki 8 aña, loke ta un logro grandi pa nos isla. E komandantenan sin niun eksepshon a gradisí e organisashon, marina real Hulandes i pueblo di Kòrsou pa e koperashon i e hospitalidat ku nan ta gosando e dianan aki.

Awe djamars atrobe tin hopi aktividat den dia i anochi en konekshon ku Velas. Lo ta e último oportunidat pa subi tur e ocho e barkunan na Punda i Otrobanda, entre 9 or mainta i 9 or anochi. Anochi tin presentashon riba Awasá di Era promé, siguí mitar di 10 pa Oscar D’Leon ku banda.