KRALENDIJK. Tabata djabièrnè último ku Digicel a lansa su tarifanan nobo i mas barata pa roaming na Merka i Ulanda ku “Roam Like Home” òf Digiroam. “Spesialmente e temporada di fin di aña aki, e tarifanan ku lo kai den e plan pa Merka i Ulanda ta bini manera un alivio pa hopi kliente ku ta preparando pa biaha pa negoshi òf fakansi familiar. Luna pasá nos a lansa e “Roam Like Home” den Caribe i awor ta toka turno pa e USA i Ulanda”, esaki di akuerdo ku CEO Digicel Dutch Caribbean, Sr. Sander Gielen. Ora klientenan di prepago i postpago ta den eksterior, nan por usa nan telefon ku konfiansa i ta paga tarifanan èkstra benefisioso riba nan yamadanan den Caribe, Latino Amerikano i awor tambe pa Merka i Ulanda. Na momentu ku e kliente prepago ta di bishita na Merka i Ulanda i ta uzando su number di Digicel Boneiru, Kòrsou òf Aruba e kliente por benefisiá di e tarifanan dor di marka *153# i skohe e opshon pa roam, esaki ta bálido pa 10 dia. Klientenan postpago por akudí na sentro di servisio pa kliente i aktivá e plan, esaki lo ta bálido pa 30 dia.“Roam Like Home” ta konta pa yamada, SMS i data. E preisnan benefisioso riba yamada, SMS i uso di data ta bálido pa klientenan di Digicel Boneiru, Kòrsou òf Aruba tanten ku nan ta hasi uso di e red di Digicel. “Di e forma aki Digicel ta keda kumpli ku su kompromiso di ofresé semper e mihó na su klientenan; awor ku introdukshon di “Roam Like Home” pa USA i Ulanda ta bolbe suprayá esaki”, asina Sr. Sander Gielen, CEO Digicel Dutch Caribbean a finalisá. Bishitá Digicel den Kaya Grandi i bira parti di e famia di e red mas grandi, mihó i mas lihé i disfrutá di “Roam Like Home”.