No tin motibu mas; No Sali Kas Sin Data!

Willemstad, 17 di yüli 2018  ̶  Konsiente di e nesesidat di tur nos klientenan pa keda konektá, informá i forma parti di tur ‘trend’, UTS, pa medio di nos servisio mobil Chippie, ta ofresé semper paketenan ku ta kuadra ku e uso di kada kliente i ku ta sigur kumbiniente pa tur saku. UTS, konsiente di esaki, ta introdusí e paketenan S, e ‘Spesial’ bundles. Surf S i 3d S ta ideal pa fasilitá bo bida diario na momentonan ku konekshon via data mobil ta indispensabel.

Despues di un temporada eksitoso ku paketenan ku tabata ofresé hopi data p’e temporadanan di fiesta/kultural, awor e enfoke ta bai pa un otro grupo di kliente. E spesial bùndlenan aki ta ofresé bo e trankilidat di sa ku bo tin data si akaso bo mester komuniká òf keda alkansabel via bo mobil tur ora i unda ku bo ta. Surf S ta e bùndel pa klientenan ku no ta hasi uso di hopi aplikashon, klientenan ku awor ta introdusiendo nan mes na uso di data òf ku ke eksplorá nan uso. E grupo di kliente aki sigur lo por hasi uso di e bùndel aki, kual ta ideal pa por haña e sensashon i eksperensiá e trankilidat ku un konekshon 24/7 por brindá bo. Pa un preis kumbiniente, esta solamente ANG 25, abo ku no ta usa hopi data ora bo sali kas, ta risibí 500 MB di data bálido pa 30 dia.

Pa nos usuarionan ku ta preferá un bùndel di 3 dia ku sufisiente data pa por hasi muchu mas, e 3D S bùndle ta duna 3000MB pa solamente ANG 10! Disfrutá 3 dia largu di konekshon, kual ideal pa wikènt òf tambe dianan ku bo ta mas aktivo ‘on the go’.