Fundashon JAG den representashon di sr. Hubert “Juni” Aniceta a hasi entrega di un opsekio pa gradisí gerensia i staf di SAMBIL Shopping Mall pa e trato risibí durante di e periodo di Karnaval 2018.

Djaweps tabata fecha natal di sr. Luis Moreno i a probechá di felisit’é. I nos por bisa ku ya kaba gerensia di Sambil a ekspresá nan deseo pa kontinuá ku e laso di amistat i trabou pa ku Karnaval 2019.

Di parti di Fundashon JAG nos kier deseá sr. Luis Moreno hopi aña mas di bida i salu i danki un biaha mas pa e konfiansa den e organisashon.

Riba e foto por apresiá momento di entrega di e opsekio komo rekuerdo di Karnaval 2018 dor di sr. Juni Aniceta na sr. Luis Moreno huntu ku sra. Fabianney Lourens i sra. Sulaika Perez di SAMBIL.