Un karchi GRATIS pa abo miembro di TDS por wak pelíkula na Cinemark henter wikènt!
TDS no ta kansa di malkriá su miembronan. Despues di a duna kasi tur miembro ku tabata kier kambia nan SD bòks pa un HD bòks e oportunidat di kambia esaki grátis, awor TDS ta duna TUR miembro aktivo un TDS VIP Card. Si asina mes, TDS VIP CARD ta un karchi den estrecho koperashon ku CINEMARK, kaminda abo miembro di TDS por wak pelíkula na CINEMARK hasiendo uso di 2X1 (2 for 1) òf 4X2 (4 for 2) (riba djaweps, djabièrnè, djasabra i djadumingu pa 1 aña largu. Asina mes, paga pa 1 karchi i risibí e di 2 karchi kompletamente grátis òf paga pa 2 risibí 4. Ademas di esaki e karchi aki ta dunabo, 25% di deskuento riba mayoria Combo di kuminda na e snèkbar di Cinemark henter siman.
E karchi aki ta kompletamente grátis pa TUR miembro di TDS pero ta mara na sierto kondishonnan. Pa risibí e karchi aki e kliente su saldo mester ta ANG0.00 i mester keda mantené esaki tur luna pa mas tarda dia 2, asina. E miembro di TDS so por kumpra karchi di pelíkula mustrando su identifikashon bálido huntu ku su VIP Card. E 2X1 ta pa TUR tipo di pelíkula inkluso esnan Dbox. E 25% di deskuento si ta bálido henter siman. Cinemark ya kaba tin preis spesial riba djaluna, djamars i djárason, i awor TDS ta kaba di kompletá e siman ku su VIP Card ku ta duna bu 2X1. E karchi di TDS tin un balides di 1 aña, i ta wòrdu renobá mensualmente asina e kliente hasi su pago. Lo kuminsá repartí e karchinan aki dianan 17-18-19 i 20 di yüli 2018, entre 2.00 di mèrdia i 7.00 di anochi na SAMBIL den e conference center.TDS a struktura e sistema di repartishon di e karchi via di Fam di su miembronan. Pues e fecha ku abo mester pasa rekohé bo karchi ta bai na sekuensia di Fam.
17 di yüli 2018 tur Fam ku ta kuminsá ku lèternan: A-B-C-D-E
18di yüli 2018 tur Fam ku ta kuminsá ku lèternan: F-G-H-I-J-K-L
19 di yüli 2018 tur Fam ku ta kuminsá ku lèternan: M-N-O-P
20di yüli 2018 tur Fam ku ta kuminsá ku lèternan: Q-R-S-T-U-V-W-X-Y-Z
Promé ku entrega e karchi ta verifiká saldo di kada kliente,despues e kliente por pasa na kahera i djei e ta risibí su karchi. Ora e kliente tin e karchi e mester aktivá esaki via di e página wep di cinemark, www.cinemarka.com . TDS lo kuminsá parti number for di 9.00 am riba e fechanan menshoná pa fasilitá asina e proseso ya asina e no ta dura demasiado largu. TDS ta avisá adelantá ku klientenan ku NO tabata aktivo na fin di luna di mei 2018, lo no risibí un karchi riba e fechanan aki sino despues. Si abo miembro a hasi bo pago kaba, kòrda bini ku bo komprobante di pago pa mustra. Tur miembro ku kier nan karchi MESTER tin un saldo ANG0.00. TDS ta rekomendá tur kliente pa sa nan number di kuenta pa hasi e entrega mas rápido. TDS asin’aki ta sigui selebrá su 33 añanan di eksistensia i alabes duna e oportunidat pa pasa un vakantie grandi ainda mas dushi. TDS un biaha Esun di Nos 4 Life!
Nota importante: Tur miembro por “machtig” un persona pa buska e karchi. Basta e miembro skibi un karta, manda su identifikashon i menshoná den e karta ken ta e persona ku ta outorisá pa buska e karchi pe. Tur persona mester por identifiká nan mes!