DHL TA ENTREGÁ E GOSO  DI FUN MILES

WILLEMSTAD – Ku hopi orguyo Fun Miles ta anunsiá su partner nobo: DHL Curaçao. DHL ta lider den servisio di entrega internashonal. Miembronan di Fun Miles awor por spar i troka na DHL Curaçao tambe! Risibí 1 Fun Mile pa kada f 2.50 (bálido únikamente pa pagonan kèsh). Aparte di esei, miembronan por troka nan Fun Miles ora di manda paketenan pa eksterior. Den e luna aki, te ku ougùstùs DHL tin diferente oferta atraktivo; por ehèmpel e oportunidat pa tur miembro partisipá ku chèns di gana 20,000 Fun Miles!

Tokante DHL

E edifisio gel ku kòrá di DHL Curaçao riba Schottegatweg Oost ta un punto di referensia masha konosí riba nos isla, pero esei no ta tur. DHL ta presente den mas ku 220 pais i teritorio, esaki ta hasi’é un di e kompanianan internashonal mas renombrá na mundu. Ku un avion di karga i ruta nobo, DHL ta ofresé diferente posibilidat pa tur loke ku mester wòrdu mandá i risibí for di eksterior. Tur esaki ku velosidat lider den e industria.

Ofertanan atraktivo

Den luna di yüni DHL ta trit tur miembro riba dòbel Fun Miles.Den yüli i ougùstùs klientenan tin chèns di partisipá i gana 20,000 Fun Miles. Kada bes ku un miembro di Fun Miles usa su karchi na DHL durante yüli i ougùstùs e lo risibí 1 lòt digital. Na fin di ougùstùs, e ganadó lo risibí 20,000 Fun Miles!

Tokante Fun Miles

E aña aki, Fun Miles ta selebrá su 20 aniversario komo e programa di spar i troka mas grandi den Karibe. Miembronan di Fun Miles ta disfrutá kontinuamente di promoshonnan atraktivo di diferente partner di Fun Miles, manera e kampaña ‘Explore the summer!’ e temporada aki (mira e ofertanan riba funmiles.net òf den e korant spesial serka tur partner).

Mas informashon tokante Fun Miles?

Tuma kontakto ku servisio na kliente na number 465 3300 òf bishitá funmiles.net òf facebook.com/funmiles.