Práktikamente tur kos ta kla pa e di dos edishon di Jazz Meets Cultures mayan anochi den Landhuis Brievengat! Músikonan tur tin simannan preparando pa por duna nos komunidat un presentashon tur afó. Manera ya tur hende sa, e festival musikal aki ta algu úniko den sentido ku e músika jazz lo tin un fushon ku nos otro géneronan musikal; aparte di esei, banda di bai gosa di un tremendo show musikal, kada bishitante lo ta aportando na desaroyo artístiko di nos hobennan menos pudiente. Pa loke ta Landhuis Brievengat, ei tambe tin preparashonnan tumando lugá; e parkeo ya a keda limpiá i Massive tambe ya ta hasiendo nan parti.

Den kaso ku bo no tin karchi ainda, por akudí awe ainda na un di e puntonan di benta. Karchi general ta kosta únikamente fl. 55,- i ta optenibel na 24 Uur uit de muur, Beep Beep, Mensing’s Caminada, Fusions, Gosie Grill, 4^th of July Snack, Van den Tweel Zeelandia i Janthiel òf tambe online na www.ticketscaribbean.com. Karchi VIP ta kosta fl. 175,- i ta optenibel na 685-0650. Pa mas informashon, por bishitá Jazz Meets Cultures riba retnan sosial, yama 540-0111 òf email info@jazzmeetscultures.com. E kombinashon di potrèt ta duna un bista di último ensayo i tambe un bista di e stage ku ta kohiendo forma den Landhuis Brievengat. Nos ta topa mayan djasabra den Landhuis Brievengat!