Suprayando e komprimiso pa pas den bida di kada kliente

Willemstad – Promoshon di un bida salú tabata sentral resientemente den e selebarshon di dia di apresio na klientenan di CIBC FirstCaribbean. E banko a saka tempu pa demonstrá apresio ekstra na su klientenan djabièrnè último enfokando un bida salu.

Speshal pa e dia di apresio na klientenan e banko a dekorá su jal kaminda ta sirbi kliente apropiadamente mientras ku e klientenen ku a bishitá e banko riba e dia ei por a disfrutá di Ice Tea natural i bolo di bèrdura.

“Nos di CIBC FirstCaribbean di bèrdat ta apresiá e konfiansa di nos klientenan. Pa e motibu aki nos banko kontinuamente ta desaroya produktonan i servisionan nobo ku ta pas ku e demanda di e kliente modèrno. Nos ta pone atenshon speshal na nos servisio na kliente dor ku nos sa ku nos klientenan ta konfia den nos pa bienestar di nan famia i nan negoshi. Nos ta hasi uso di e okashon aki pa gradisí nos klientenan i ta mira dilanti riba un relashon fruktífero, salu i duradero!” asina e Country Head pa Kòrsou di CIBC FirstCaribbean Sr. Edward Pietersz a bisa.

CIBC FirstCaribbean ta biba segun su promesa ku e banko mester pas den bida di su klientenan. Pa e motibu aki e banko ta tuma tempu, un bes pa aña tur aña di nobo, pa duna atenshon speshal na su klientenan dor di enfatisá e banko, i su staf, su kompromiso pa hasi lo maksimo pa ofresé klientenan solushonnan ku ta pas den nan bida i ta respondé na nan nesesidat.