Na nòmber di be.advancement i Youth Vision 5000 risibí athunto un komunikado di prensa, un poster, programa, invitashon  i promo spòt di e di dos edishon di Musical Seminar Hóben Òn!

E komunikado ta duna un splikashon di tur 4 fase di e proyekto Hóben Òn! i prinsipalmente di e fase 2 aki, e Musical Seminar. Via e Musical Seminar aki nos ta brinda 200 hóben un programa ku ta konsistí di presentashon di dos artista lokal konosí bou di e hóbennan, workshop di talento, un Musical produsí i presentá pa Excel Arts Academy i Open Mic.

Nos ta gradisí boso media pa publiká  nos komunikado i duna atenshon na e aktividat aki. E kontenido di e komunikado ta papia pa su mes. Nos ta spera di risibí un representante di boso media na e evento aki. Pa mas informashon, pregunta i òf entrevista por tuma kontakto ku Bianca Neman, inisiadó i kordinadó tur 4 fase di e proyekto Hóben Òn!