Ku presentashon di Gilmar Freites, oportunidat di gana premio i mas!

WILLEMSTAD – YÜNI –  Selebrashon Dia di Tata ta keda kompletá ku e brùnch na Renaissance Curaçao Resort. Einan tur yu ta sigur di ofresé Papa dushi kuminda, entretenimentu i hasta premio! Manera semper Renaissance Curaçao Resort ta invitábo pa hasi reservashon trempan pa huntu ku bo famia bo sigurá un lugá pa djadumingu dia 17 di yüni próksimo, entre 12’or di mèrdia i 3’or di atardi.

Tur tata lo risibí un ‘welcome drink’ i lo partisipá den transkurso di e mèrdia pa gana diferente premio atraktivo. E tim kulinario di Nautilus a prepará un menú variá konsistiendo di kuminda lokal i internashonal. Un brunch buffet sabroso ku vários ‘stations’ manera pasta, seafood, e famoso ‘carving station’ anto sin lubidá riba e ‘dessert’. Renaissance Curaçao Resort su Fathers Day Brunch lo ta únikamente 81 florin pa persona. Muchanan di 5 pa 12 aña ta paga mitar preis, miéntras ku mucha bou di 5 aña ta kome grátis!  Gilmar Freites lo ofresé entretenimentu bibu, pues ta sigur ku Nautilus lo tin e ambiente di mas dushi riba Dia di Tata. Ta rekomendá pa hasi reservashon na tempu; lugá ta limitá. Pa reservashon por yama 435.5034 of email nautilus@curacaorenaissance.com Hiba papa e brùnch di mas dushi na Kòrsou!