Temporada di vakashon ta yegando i ta un dushi i alegre temporada kaminda e mucha i hobennan por rekreá, dibertí i disfrutá tremendamente mientras ta prepará pa drenta e aña eskolar nobo di 2018-2019. Danny Yanga Foundation ta un Fundashon kaminda e bista ta fihá riba nos mucha i e hoben, i sigur esnan talentoso of ku tin un talento skondé ku por bira nos futuro artistanan.

Dia 10 di Yüli próksimo Danny Yanga Foundation ta bai organisá un tremendo Talento Show riba Freewinds.  Danny ta bai brinda na e muchanan e oportunidat pa ekspresá diferente faseta artístiko i alabes yudanan ku e preparashon pa nan hasi un presentashon bunita dia 10 di Yüli próksimo riba Freewinds di 8’00 pa 9:30 di anochi. Dia di e presentashon e muchanan ta bai demostrá e loke ku nan a siña i alabes ekspresá nan talento na e publiko presente. E Fakansiplan Talento Show aki ta un great oportunidat pa e yu   amplia su konosementu i alabes ta forma parti di un tremendo show. E dianan pa e trainingnan ku ta 1 siman ta di 3 te ku 10 di yüli. Tur mucha i hobennan di edat entre 7 te ku 14 aña por inskribí i partisipá, i e kantidat ku nos por tuma ta limitá. Pues mayornan por yama awe mes pa inskribi e yu i garantisa e yu su partisipashon. Danny Yanga ta bai duna e hobennan aki un tremendo oportunidat pa engrandesé nan konosementu artistiko.

Na inskripshon ta paga solamente Fls 50.- i tin algun regla. Danny Yanga Foundation i Akademia ShowBizz un bes mas ta diferente i ta bai Brinda 30 mucha i hoben un tremendo temporada di vakashon riba nos mes pais. Por yama of App Danny Yanga Foundation na 5213700 of 5606225 pa mas informashon. Djadumingu 17 di Yüni  tin un renion kaminda nos ta duna tur informashon adishonal pa e training i algun regla mas mara na e yu su partisipashon. Por pasa i yena e formulario di inskripshon durante dia entre 10’or pa 6’or i risibi algun informashon. Mester yama promé pa traha un sita.