A instalá 3 Coffee Master na Kòrsou!

WILLEMSTAD – Desèmber– Starbucks ya no tin mester di niun introdukshon, e ta e sitio preferí di hopi -ku su lokalidat na Renaissance Mall, nos komunidat sá ku ta trata di un kompania ku ta kere firmemente den ekselensia di su produktonan i su empleadonan. Resientemente 3 barista a pasa nan eksamen komo ‘Coffee Master’. E entrenamentu aki ta sertifiká tur 3 barista di Starbucks komo un Certified Coffee Master na Kòrsou. Esaki ta nifiká ku nan ta keda rekonosé komo un eksperto di kòfi dor di Starbucks i enbez di bisti nan skòrt di barista bèrdè, nan ta outorisá pa bisti skòrt pretu. Tabata Anne Van Den Heuvel, Nadyllylla Manuela- Brigitha i Jacmarlina Hortencia ku a risibí nan sertifikashon djabièrnè último. “Na Starbucks, nos ta kere den training di nos baristanan, semper tin trends nobo, produktonan  nobo i  nos empleadonan mester keda up to date ku esaki. Mirando ku ta trata di un kompania ku establesimentunan rònt mundu, nos klientenan mester sinti e uniformidat den tantu produkto i servisio. Kòrsou no ta un eksepshon”, esaki di akuerdo ku Starbucks District Manager, Sra. Shakira Arrindell.  E entrenamentu i eksamen ku e 3 damanan a pasa tabata difísil i profundo, ya ku nan mester a siña historia di kòfi, ademas di esaki nan a siña henter e proseso- for di plantamentu di e bonchi te na distribushon. A instalá 3 Coffee Master nobo pa Kòrsou, esaki ta un bon notisia! Starbucks ta invitabo pa hasi nan un bishita e fin di aña aki i laga e Coffee Masters nan introdusí bo na e sabornan nobo di kòfi, dunabo splikashon i amplia bo eksperiensha ku Starbucks.