Hopi oferta atraktivo pa e temporada aki
WILLEMSTAD – Fun Miles ta hasi e ‘zomer’ aki èkstra ‘fun’ ku nan kampaña yen di oferta atraktivo. Partnernan di e programa di spar i troka mas popular den Karibe lo ofresé diferente oferta spektakular i lo por mira tur den e korant di Fun Miles ‘Explore the Summer!’. For di 4 di yüni pa 31 di ougùstùs, miembronan lo probechá di deskuento, dòbel Fun Miles, Bónus Miles grátis i muchu mas. E korant lo wòrdu repartí komo un anekso di e korantnan mas popular na Kòrsou i tambe lo ta grátis optenibel serka tur partner di Fun Miles- tanten tin na stòk. Por haña e vershon digital riba funmiles.net.
Un korant yen di ‘fun’ i benefisio
Miembronan por tuma nota di tur oferta pa e temporada aki den e korant kolorido i atraktivo di Fun Miles. Por ehèmpel: un pida bolo grátis òf un bòter di Prosecco huntu ku bo sena pa 4 persona na Landhuis Brakkeput Mei Mei, dòbel Fun Miles ku tur kompra na Rituals, i no ménos ku 50% di deskuento riba gastunan di ekipahe na TUI (ora paga ku Fun Miles). Den e korant ‘Explore the summer!’ tin hopi oferta mas.
Hopi ‘fun’ e ‘zomer’ aki
Meta di e kampaña ta pa mustra tur miembro kuantu kos interesante por hasi e temporada aki ku Fun Miles. Danki na e variashon grandi den kompanianan partner, miembronan tin hopi opshon interesante: reservashon di nan biahe, un sena plasentero, wak un pelíkula, shòp, bai diferente evento, kuminsa buska artíkulonan di skol pa e próksimo aña eskolar, i muchu mas.
Un momentu ideal pa kuminsa ku Fun Miles
Esun ku ta deseá di probechá di e ofertanan atraktivo di e kampaña ‘Explore the summer!’, pero no ta miembro ainda, por djòin Fun Miles pa únikamente 5 florin. Kumpra bo karchi na kualke partner i kuminsa spar mesora pa probechá di e ofertanan.
Fun Miles ta sigui trit Kòrsou
E aña aki Fun Miles ta selebrá su 20 aniversario komo é programa di spar i troka mas grandi den Karibe. Durante henter aña, Fun Miles ta trit Kòrsou un ‘salú ku bolo’ den forma di ofertanan atraktivo, eventonan, donashon na diferente kousa sosial, i promoshonnan manera ‘Explore the summer!’.
Mas informashon tokante Fun Miles?
Tuma kontakto ku servisio na kliente na 465 3300 òf bishitá funmiles.net òf facebook.com/funmiles.